Bahrim Shabani zgjidhet nënkryetar i Kuvendit

Bahrim Shabani është zgjedhur nënkryetar i Kuvendit të Kosovës nga radhët e komuniteteve jo shumicë.

Pro Shabanit kanë votuar 73 deputetë nga të gjitha grupet parlamentare.

Grupi parlamentar i subjekteve pakicë ka propozuar që Shabani ta mbajë këtë pozitë deri më 22 prill 2024 dhe më pastaj të propozohet emri tjetër.

Ai do të jetë nënkryetari i pestë i Kuvendit, bashkë me Saranda Bogujevcin, Kujtim Shalën, Enver Hoxhajn dhe Bekim Arifin.

Shabani fitoi ulëse në Kuvendin e Kosovës nga Koalicioni Vakat (KV).