Policia shpall në kërkim 28-vjeçarin nga Istogu

Policia e Kosovës ka shpallur në kërkim një person të dyshuar për një rast të rëndë penal të ndodhur në fshatin Orrobërdë të Istogut.

Bëhet fjalë për Vezir Haziraj, rreth 28-vjeçar për të cilin Policia kërkon ndihmën e qytetarëve për lokalizimin dhe arrestimin e tij.

Sipas njoftimit të Policisë, Haziraj dyshohet se është i përfshirë në një rast të “vrasjes në tentativë”, i cili ka ndodhur më 7 gusht 2026 në fshatin Orrobërdë të Istogut.

Policia ka bërë të ditur se i dyshuari konsiderohet i armatosur.

Çdo person që ka informacion për vendndodhjen e tij mund ta raportojë rastin në 192 ose në numrin pa pagesë 0800 19 999, si dhe përmes aplikacionit “Lajmëro Policinë” apo adresës elektronike të Policisë.