Messi shpallet futbollisti më i mirë i vitit
Lionel Messi është votuar futbollisti më i mirë i vitit 2023 nga FIFA. Messi e ka fituar çmimin The Best edhe vitin e kaluar.
Messi është fitues pak i befasishëm marrë për bazë që është votuar për periudhën nga 19 dhjetori i vitit 2022 deri më 20 gusht të vitit 2023. Në sallën ku po mbahet ceremonia ka pasur reagim të çuditshëm pasi Messi u shpall më i miri në konkurrencë me Erling Haalandin dhe Kylian Mbappen.
Sipas FIFA-s, Messi dhe Haaland kishin pikë të barabarta, nga 48, por Messi u shpall më i miri pasi ishte zgjidhje e parë në më shumë raste se Haaland.
Messi nuk ishte në ceremoni për ta pranuar çmimin.
Lexim me zë
Dëshiron ta dëgjosh këtë lajm me zë?