Lajçak shprehet mirënjohës për mbështetjen e Francës për dialogun Kosovë – Serbi
Emisari i BE-së për dialogun Kosovë – Serbi, Miroslav Lajçak sot është takuar edhe me Emmanuel Bonnen, këshilltarin e presidentit të Francës, Emmanuel Macron.
Në një postim në rrjetet sociale, Lajçak ka thënë se i është mirënjohës Francës për mbështetjen e fortë për dialogun dhe po ashtu për punën e tij.
“Kam mbaruar vizitën time të parë të vitit 2024, e cila më dërgoi në Paris. Pata takime shumë të dobishme dhe të rëndësishme në Quai d’Orsay dhe Elysee për t’u përgatitur për muajt në vijim. Mirënjohës për mbështetjen e fortë franceze për Dialogun e lehtësuar nga BE-ja dhe për punën time”, ka shkruar Lajçak në platformën “X”, ku ka publikuar disa fotografi nga vizita e tij në Francë./21Media
Lexim me zë
Dëshiron ta dëgjosh këtë lajm me zë?