Të mërkurën tentativa e 26 -të për konstituimin e Kuvendit
Kuvendi i Kosovës ka njoftuar zyrtarisht se seanca e radhës do të mbahet të mërkurën, më 4 qershor, duke shënuar kështu përpjekjen e 26-të me radhë për konstituimin e Kuvendit.
Pavarësisht dështimeve të njëpasnjëshme, Lëvizja Vetëvendosje vazhdon të insistojë që kandidatja e saj, Albulena Haxhiu, të votohet për kryetare të Kuvendit përmes një procesi të fshehtë votimi, për të cilin duhet fillimisht të formohet një komision i përkohshëm.
Por kjo kërkesë po has në kundërshtimin e ashpër të opozitës, e cila nuk po merr pjesë në votim, duke pamundësuar kuorumin e nevojshëm.
Seanca do të fillojë në orën 11:00, ndërkohë që ngërçi institucional në vend ka hyrë tashmë në muajin e pestë, pas zgjedhjeve të 9 shkurtit.
Dëshiron ta dëgjosh këtë lajm me zë?