Tahiri: Tani është koha të punohet për një regjim pa viza me ShBA-të
Pas vendimit për liberalizim të vizave për Kosovën, Shefi i Grupit Parlamentar të AAK-së, Besnik Tahiri, propozoi që tani është koha për të punuar që vizat të hiqen edhe me Shtetet e Bashkuara të Amerikës.
“Tani është koha të punohet për një regjim pa viza me SHBA-të, referencën tonë identitare”, shtoi Tahiri.
Paraprakisht ai tha se kosovarët do të mund ta festojnë natën e vitit të ri 2023, “me një mundësi të re më 1 janar 2024”.
“Ja vlen që mbyllja e kësaj padrejtësie evropiane të shënohet me një festim kolektiv nga qytetarët më proevropian në kontinent. Urime atyre mijëra zyrtarëve publik në të gjitha nivelet, që nuk u dorëzuan, e realizuan një reformë që kërkohej nga ne. Urime të rinjëve, Më të moshuarve, Të gjithëve pa dallim”, shkroi ai në Facebook.
Dëshiron ta dëgjosh këtë lajm me zë?