SHBA-ja po heton një balonë kineze, Blinkeni anuloi vizitën në Kinë
Sekretari amerikan i Shtetit, Antony Blinken, ka anuluar vizitën e tij në Kinë pasi në qiell u hetua një balonë spiune kineze, ka shkruar BBC të premten.
Më herët gjatë të premtes, Pentagoni bëri të ditur se po e heton këtë balonë, por ka vendosur të mos e rrëzojë për arsye sigurie.
Zyrtarët e mbrojtjes thanë se balona është vëzhguar për disa ditë që kur hyri në hapësirën ajrore të SHBA-së, duke fluturuar në lartësi të madhe.
Ai është monitoruar me disa metoda, duke përfshirë aeroplanët me pilot, dhe së fundmi është gjurmuar duke kaluar mbi Montana, ku SHBA-ja ka disa nga raketat e saj bërthamore të bazuara në silo. Si masë paraprake, fluturimet jashtë aeroportit Billings Logan u pezulluan të mërkurën.
Dëshiron ta dëgjosh këtë lajm me zë?