Rrëzohet aeroplani në Francë, vdesin 11 persona

Njëmbëdhjetë persona kanë humbur jetën pasi një avion civil u rrëzua në qytetin Tomblaine në Francën verilindore, sipas autoriteteve lokale.

Mes viktimave janë piloti dhe 10 pasagjerë, përfshirë pesë studentë dhe pesë instruktorë, kanë bërë të ditur zyrtarët lokalë.

Avioni, i cili i përkiste një shkolle parashutizmi, ishte ngritur nga aeroporti Nancy-Essey para se të rrëzohej, shkruan BBC.

Policia ka bërë thirrje që qytetarët të shmangin zonën përreth aeroportit në departamentin Meurthe-et-Moselle.

Ndërkohë, ministri i Brendshëm i Francës është nisur drejt vendit të ngjarjes, ka bërë të ditur ministria e Brendshme.