Pesë orë pritje në Merdarë për të dalë nga Kosova

Pritja për të dalë nga Kosova nga pikëkalimi kufitar në Merdar po zgjat deri në pesë orë, kështu bën të ditur Ministria e Punëve të Brendshme.

Sipas të dhënave të përditësuara në mëngjesin e së martës, në Merdar pritja është nga 280 deri 300 minuta për të dalë.

Kolona ka edhe në pikat tjera kufitare. Në Mutivodë, për të dalë nga Kosova duhet pritur mbi dy orë, e në Dheun e Bardhë rreth një orë.

Në Jarinjë pritja për të dalë është 20-30 minuta, ndërsa në Muçibabë 10 deri 15 minuta.

Bëhet e ditur, se për të hyrë në Kosovë nuk ka shumë pritje./21Media