Një i vdekur e dhjetëra të lënduar nga një shpërthim në një fabrikë në Pennsylvania

Një shpërthim në një fabrikë në Pennsylvania ka shkaktuar vdekjen e një personi dhe ka plagosur dhjetëra të tjerë, të hënën, kanë bërë të ditur autoritetet.

Departamenti i policisë në qarkun Allegheny konfirmoi vdekjen dhe tha se dy persona ende besohet të jenë të paidentifikuar.

Zëdhënësja e Shërbimeve Emergjente të Qarkut Allegheny, Kasey Reigner, konfirmoi se ishin regjistruar “dhjetëra” të plagosur, por nuk dha informacion mbi viktimat e tjera apo shkakun e shpërthimit, sipas CBS News.

Një tjetër zëdhënës njoftoi se operacionet e shpëtimit janë angazhuar për të nxjerrë personat që mund të jenë të bllokuar në fabrikë.

Fabrika është një prodhues i madh i koksit, një lëndë djegëse me bazë qymyri që përdoret në prodhimin e çelikut.