Në cilën pjesë është Donbasi dhe pse është kaq i rëndësishëm?
Rusia ka zhvendosur pjesën më të madhe të fokusit të luftës së saj në Ukrainën lindore, pasi tërhoqi forcat e saj nga afër kryeqytetit Kiev.
Presidenti i Ukrainës, Volodymyr Zelensky thotë se beteja për zonën e njohur si Donbas ka filluar dhe një pjesë shumë e madhe e ushtrisë ruse po merr pjesë.
Donbasi i Ukrainës
Kur Presidenti Putin flet për Donbasin, ai i referohet zonës së vjetër të prodhimit të qymyrit dhe çelikut të Ukrainës. Ajo që ai në të vërtetë do të thotë është tërësia e dy rajoneve të mëdha lindore, Luhansk dhe Donetsk, të cilat shkojnë nga jashtë Mariupolit në jug deri në kufirin verior, shkruan BBC, përcjell rtv21.tv.
Këto zona janë gjerësisht rusisht-folëse dhe Mariupol ishte një nga qytetet më pro-ruse në Ukrainë.
Por forcat ruse kanë rrethuar Mariupolin që nga pushtimi, duke rrafshuar pjesën më të madhe të qytetit.
Pse Putini dëshiron ta kontrollojë atë?
Udhëheqësi rus ka bërë vazhdimisht akuzat e pabaza se Ukraina ka kryer gjenocid në lindje.
Kur filloi lufta, pothuajse dy të tretat e rajoneve lindore ishin në duart e Ukrainës. Pjesa tjetër drejtohej nga përfaqësues rusë, të cilët krijuan shtete të mbështetura nga Moska gjatë një lufte që filloi tetë vjet më parë.
Pak para luftës së fundit, Presidenti Putin njohu të gjitha dy rajonet lindore si të pavarura nga Ukraina.
Nëse Rusia do të pushtonte të dy rajonet e mëdha, kjo do t’i jepte Vladimir Putin njëfarë arritjeje nga lufta e Rusisë. Hapi tjetër do të ishte aneksimi i Donbasit, ashtu siç bëri me Krimenë pas një referendumi të diskredituar në 2014./21Media
Dëshiron ta dëgjosh këtë lajm me zë?