Murati: S’mund të lejojmë që miliarda dinarë serbë të futen pa autorizim
Ministri i Financave, Hekuran Murati, ka thënë se s’mund të lejojnë që miliarda para të gatshme të futen paautorizim në Kosovë.
Muarti ka shprehur gatishmërinë që të ndihmojë në lehtësimin e procesit për çështjen e dinarit serb.
Murati ka shkruar në rrjetin social X se Banka Qendrore e Kosovës (BQK) e ka ftuar Bankën Kombëtare të Serbisë për bashkëpunim në lehtësimin e transferimit së çdo ndihme për familjet serbe në Kosovë, por siç ka thënë ai, në vend të kësaj u tentua futja e disa milionëve të dinarëve serb.
“Çdo ndihmë financiare mund të kanalizohet drejtpërdrejt në llogaritë bankare të përfituesve dhe të sigurojë transparencë. Banka Qendrore e Kosovës ka ftuar Bankën Kombëtare të Serbisë që të bashkëpunojë në lehtësimin e transferimit të mundshëm të çdo ndihme për familjet e komunitetit serb në Kosovë. Në vend të kësaj, njerëz që pretendojnë se janë përfaqësuar kanë tentuar sot të kalojnë kufirin tonë duke transportuar 117 milionë dinarë në para të gatshme. Ata nuk u lejuan pa pasur autorizimin e duhur”, ka shkruar Murati./21Media
Dëshiron ta dëgjosh këtë lajm me zë?