Mbi 1000 trupa të civilëve në morgjet përreth Kievit, tha zyrtari ukrainas
Trupat e 1020 civilëve po ruhen në morgje në dhe rreth Kievit pasi trupat ruse u tërhoqën nga rajoni, tha një zyrtar ukrainas për agjencinë e lajmeve AFP.
“Këta njerëz u vranë nga pushtuesit dhe disa tregojnë shenja torture. Dua të theksoj se këta njerëz ishin civilë. Ushtria ruse me vetëdije qëlloi civilë që nuk bënë asnjë rezistencë”, tha kreu i policisë në rajonin e Kievit, Andriy Niebytov.
Ai tha se policia kishte zbuluar dy varre rreth Borodyanka-s.
Tre persona – duke përfshirë një vajzë 15-vjeçare – u zbuluan në një varr dhe një varr i dytë mbante trupat e gjashtë personave, tha ai.
Rusia ka mohuar të ketë shënjestruar civilët. Ndërsa, trupat ruse janë tërhequr nga zonat përreth Kievit, janë zbuluar prova të mizorive, duke përfshirë qytetin e Bucha ku të paktën 500 të vdekur janë gjetur që nga largimi i rusëve./21Media
Dëshiron ta dëgjosh këtë lajm me zë?