Lajçak nesër në Kosovë

Përfaqësuesi i Bashkimit Evropian për dialogun Kosovë-Serbi, Miroslav Lajçak do të vizitojë nesër (e enjte) Kosovën.

Lajmin e konfirmoi zëdhënësi i Qeverisë së Kosovës, Përparim Kryeziu.

Lajçak pas Kosovës pritet që të vizitojë edhe Serbinë.

Ndryshe, kryeministri i Kosovës, Albin Kurti është takuar në Bruksel më 2 maj me presidentin e Serbisë, Aleksandër Vuçiq .

Aty është nënshkruar Deklarata për të Zhdukurit, ndërsa nuk është rënë dakord për draft-statutin e Asociacionit të komunave me shumicë serbe.