Krasniqi: Zgjeba është sëmundje ngjitëse, mund të përhapet shpejt

Zgjeba është një parazit i vogël dhe pothuaj i padukshëm i cili futet në lëkurë, ndërzen dhe lë vezët e tij në kanalet e krijuara në lëkurë. Mbushja e lëkurës me këtë parazit shkakton nevojë për t’u kruajtur. Parazitët e zgjebes gjenden shpeshherë tek duart, sidomos midis gishtave, rreth thitheve, në sqetulla dhe rreth gjenitaleve.

Specializantja e dermatologjisë, Dafina Krasniqi në një intervistë për portalin rtv21.tv ka treguar detaje të kësaj sëmundje dhe simptomat e para të kësaj sëmundje.

“Zgjebja është një skuqje e lëkurës me kruajtje e shkaktuar nga një marimang i vogël gërmues i quajtur Sarcoptes scabiei. Kruajtje intensive ndodh në zonën ku gërmohet marimangat. Nevoja për të gërvishtur mund të jetë më e fortë gjatë natës apo kur djersitemi apo lahemi me uje te nxehte.  Zgjebja është ngjitëse dhe mund të përhapet shpejt përmes kontaktit të ngushtë person me person. Për shkak se zgjeba përhapet kaq lehtë,dermatologet shpesh rekomandojnë trajtimin e të gjithë familjes ose ndonjë kontakti të ngushtë mos mu perhap ma tutje”, tregon ajo.

Sa i përket trajtimit të sëmundjes së zgjebës, Krasniqi thekson se zgjeba ka një trajtim të lehtë.

“Zgjeba trajtohet lehtësisht. Kremrat medicinale të lëkurës vrasin marimangat që shkaktojnë zgjebe dhe vezët e tyre. Por kruajtja mund të mos ndalet për shumë javë pas trajtimit”, deklaron ajo.

Cilat janë simptomat e sëmundjes së zgjebes?

“Simptomat e zgjebes përfshijnë: Kruajtje, shpesh e rëndë dhe zakonisht më keq behet gjatë natës. Zgjebja shpesh gjendet në palosjet e lëkurës. Por zgjebe mund të shfaqet në shumë pjesë të trupit. Tek të rriturit dhe fëmijët më të rritur, zgjebe gjendet më shpesh: Midis gishtave të duarve dhe këmbëve, në sqetull, rreth belit, përgjatë pjesëve të brendshme të kyçeve të dorës, në bërrylat e brendshme, në shputat e këmbëve, në gjoks, rreth thithkave, rreth kërthizës, rreth organeve gjenitale, në zonën e ijeve dhe në të pasme. Nëse keni pasur zgjeb më parë, simptomat mund të fillojnë brenda disa ditësh nga ekspozimi. Nëse nuk keni pasur kurrë mund të duhen deri në gjashtë javë për të filluar simptomat. ende mund të përhapni zgjeben edhe nëse nuk keni ende asnjë simptomë. Antihistaminet ose losionet pa recetë mund të lehtësojnë kruajtjen. Por ata nuk do të shpëtojnë nga marimangat apo vezët e tyre per kete arsye duhet trajtimi adekuat nga ana e dermatologut“, thekson specializantja e dermatologjisë për portalin rtv21.tv

Sipas saj pastrimi i shtëpisë nga zgjeba është i nevojshëm, përshkak të eliminimit të marimangave.

“Marimangat e zgjebes mund të jetojnë deri në dy deri në tre ditë në sipërfaqen e rrobave, shtratit ose peshqirëve. Për t’u siguruar që këto marimangat janë vrarë, lani çdo çarçaf dhe veshje të përdorur nga personi i prekur brenda tre ditëve të fundit. Lani rrobat në ujë të nxehtë dhe thajini në një tharëse të nxehtë ose ne qoft qe ka diell e koha e mire mundeni mi tha edhe jashte ne drite natyrale. Gjërat që nuk mund të lahen duhet të vendosen në një qese plastike të mbyllur për shtatë ditë“, tha Krasniqi. /21Media