Këshilltari i Kurtit i reagon KFOR-it: E paqartë se ku ndodhet Ristuccia, jo se ku ishin policët e Kosovës

Jeton Zulfaj, këshilltar i kryeministrit Albin Kurti reagoi ndaj deklaratës së KFOR-it përmes së cilës thanë se nuk ka informacione të sakta se ku ndodheshin 3 policët në momentin e kidnapimit,.

Zulfaj përmes një postimi në Twiiter thumboi KFORI-in me një kundërpërgjigje.

“Pas të gjitha dëshmive që i ofruam ne, duket se është e paqartë se ku ndodhet Komandanti Ristuccia, jo se ku ishin policët e Kosovës”, shkroi këshilltari i Kurtit.

Të premten Misioni i NATO-s në Kosovë, KFOR, deklaruan se nuk është e qartë se ku kanë qenë tre policët e Kosovës, në kohën e arrestimit nga forcat serbe.

“Pas arrestimit të tre zyrtarëve të Policisë së Kosovës, më 14 qershor, misioni i KFOR-it, i udhëhequr nga NATO-ja, ka rishikuar vendndodhjen e ngjarjes dhe ka folur me përfaqësues të institucioneve në Kosovë dhe me autoritetet serbe. Bazuar në të dhënat e disponueshme, mbetet e paqartë se ku kanë qenë zyrtarët e Policisë së Kosovës në momentin e arrestimit”, thuhet në komunikatën e KFOR-it/21Media

After all the evidence we provided it seems that it is unclear where Commander Ristuccia is, not where Kosova Policemen were. https://t.co/xkxcmtAXEI

— Jeton Zulfaj (@JetonZulfaj) June 16, 2023