Hovenier: Një shtyp i lirë dhe i pavarur është thelbësor për demokraci të shëndetshme
Sot shënohet Dita Ndërkombëtare për dhënien fund pandëshkueshmërisë për krimet kundër gazetarëve.
Ambasadori amerikan në Kosovë, Jeffrey Hovenier, ka thënë se vendi i tij bën thirrje për drejtësi për gazetarët që kërcënohen ose sulmohen në Kosovë.
“Në Ditën Ndërkombëtare për t’i dhënë fund pandëshkueshmërisë për krimet kundër gazetarëve, ShBA-ja përsërit thirrjet e saj për drejtësi për gazetarët që kërcënohen ose sulmohen në Kosovë dhe në mbarë globin”, ka shkruar Hovenier në një postim në X.
Ai shtoi se “një shtyp i lirë dhe i pavarur është thelbësor për demokraci të shëndetshme. ShBA-ja mbron lirinë, pavarësinë dhe sigurinë e medias dhe pret përgjegjësi për ata që kërcënojnë ose sulmojnë gazetarët”./21Media
Dëshiron ta dëgjosh këtë lajm me zë?