Fitore me pesë gola në shtëpi, Kosova e mundi Armeninë
(Lajm i përditësuar)
Kosova ishte dy herë në disavantazh. Por në fund shënoi fitore bindëse ndaj Armenisë, me rezultatin 5:2.
Ndeshja e së premtes mbrëma ishte miqësore, ndërsa u zhvillua në stadiumin “Fadil Vokrri”. Interesimi për këtë ndeshje ishte i vogël, kurse momentet interesante nuk kanë munguar.
Fitorja e Kosovës ishte e pritur. Armenia nuk vlerësohet se është në nivelin e përfaqësueses së Kosovës.
Kosova përmbys Armeninë – Emërllahu shënon
Kosova vazhdoi me aksione të rrezikshme dhe arriti të marrë epërsinë në minutën e 71-të ndaj Armenisë me rezultat 3-2.
Ishte Lindon Emërllahu që përfitoi nga një top i kthyer brenda zonës dhe shënoi një gol të bukur për 3-2.
Skuadra e Franco Fodës është treguar më agresive dhe më e organizuar në pjesën e dytë, duke i mbajtur armenët nën presion të vazhdueshëm.
Lindon Emerllahu puts Kosovo in the lead! 😍
🇽🇰3-2🇦🇲#KOSARM
pic.twitter.com/z8WdC8eGoE— Kosovo Football 🇽🇰 (@KosovarFootball) June 6, 2025
Kosova barazon rezultatin me Armeninë
Kosova në pjesën e dytë e ka barazuar rezultatin në 2:2 në ndeshjen ndaj Armenisë.
Nga pika e bardhë shënoi Mërgim Vojvoda në minutën e 61-të. Vojvoda ndaj Armenisë është kapiten.
Penalltia u dha për ndërhyrje të palejuar në Baton Zabërgjën.
Armenia prapë në epërsi
Përfaqësuesja e Armenisë ka kaluar prapë në epërsi ndaj Kosovës. Pa kaluar gjysmë orë lojë Armenia ia shënoi dy gola Kosovë.
Për 2:1 realizoi Eduard Spertsyan në minutën e 29-të.
Goool Kosova e barazon rezultatin
Lumbardh Dellova ka shënuar supergol për Kosovën.
Kosova i ka barazuar rezultatin ndaj Armenisë. Për 1:1 realizoi Dellova nga distanca në minutën e 23-të.
A goal you want to watch over and over..!
Stunner by Dellova! 😍#KOSARM | 🇽🇰1-1🇦🇲
pic.twitter.com/OMNIUcbJ8i— Kosovan Football 🇽🇰 (@kosovanfooty_EN) June 6, 2025
Armenia në epërsi, shënoi gol në minutat e parë të lojës
Përfaqësuesja e Armenisë ka kaluar në epërsi ndaj Kosovës.
Për 1:0 realizoi Nair Tiknizyan në minutën e tetë.
Formacionet zyrtare, Kosova – Armenia: Foda provon disa lojtarë nga minuta e parë
Përzgjedhësi i Përfaqësueses së Kosovës, Franco Foda, e ka publikuar formacionin startues për ndeshjen miqësore ndaj Armenisë, që nis në orën 19:00 dhe luhet në stadiumin “Fadil Vokrri”, në Prishtinë.
Sulmit të Kosovës do t’i prijë Fisnik Asllani, ndërsa do të debutojë Baton Zabërgja.
Dëshiron ta dëgjosh këtë lajm me zë?