Edhe dy oferta për blerjen e Chelseas
Nick Candy dhe familja Ricketts kanë konfirmuar se kanë dorëzuar ofertën për blerjen e Chelseas para afatit 21:00 të premten.
Roman Abramovich nxori në shitje Chelsean pas pushtimit rus të Ukrainës, por procesi u ndërlikua pasi qeveria e Mbretërisë së Bashkuar vendosi sanksione ndaj tij.
Klubi po operon nën një sërë kufizimesh financiare që po kufizojnë aftësinë e tyre ata po kërkojnë një shitje të shpejtë, përcjell portali rtv21.tv
Një mori individësh dhe konsorciumesh shprehën interes pas vendimit të Abramovich për të nxjerrë klubin në shitje dhe një afat deri në orën 21:00 të së premtes u caktua për paraqitjen e ofertave.
Ndërsa thuhet se ka shumë të interesuar, dy kanë konfirmuar se kanë hedhur oferta në tryezë.
Zhvilluesi i pronave Candy, një tifoz i konfirmuar i Chelsea, ka konfirmuar se grupi i tij ka bërë një ofertë.
Familja Ricketts, pronare e palës MLB, Chicago Cubs, gjithashtu konfirmoi se një ofertë është paraqitur./21Media
Dëshiron ta dëgjosh këtë lajm me zë?