Dua Lipa komenton protestat në Shqipëri: Shqetësuese që qeveria ndryshon ligjin për mjedisin

Këngëtarja shqiptare me famë botërore, Dua Lipa ka komentuar për herë të parë çështjen e Zvërnecit.

Në një bisedë të hapur në podkastin e saj “service95bookclub” me shkrimtaren dhe akademiken e njohur Lea Ypi, artistja ka shprehur shqetësimin e saj të thellë për mënyrën se si po trajtohet mjedisi dhe vendimmarrja politike në vend.

Dua Lipa u ndal konkretisht te hapat e ndërmarrë nga qeveria shqiptare, duke vënë theksin te rëndësia e transparencës dhe përfshirjes qytetare në vendime me impakt të madh mjedisor.

“Ne nuk mund të flasim për historinë e Shqipërisa pa folur pak për Shqipërinë sot. Për mua është shqetësuese principi që qeveria thjesht ndryshon ligjin për të hequr mbrojtjen mjedisore pa një konsultim publik”, u shpreh Dua Lipa.

Së bashku me shkrimtaren Lea Ypi, ato flasin për realitetin e ndryshimeve politik dhe frymëzimin që marrin nga protestat që po zhvillohen në Shqipëri pikërisht tani.

Lipa dhe Ypi kanë diskutuar mbi librin e saj me kujtime “Të lirë” – një eksplorim thellësisht personal i rritjes gjatë kohës kur regjimi komunist i Shqipërisë po shembej – dhe çfarë do të thotë të navigosh mes premtimeve dhe kontradiktave të lirisë.

Podkasti i plotë do të publikohet të martën e ardhshme.

🚨 Dua Lipa gets involved in #Albania‘s protests. She considers the Edi Rama Government’s action to remove natural areas from legal protection without any consultation deeply concerning. She shared this stance during a conversation with writer Lea Ypi. #flamingorevolution 🇦🇱🦩 https://t.co/FwoNw9EMRo pic.twitter.com/raiqMmEUKT

— Tirana Report (@Tirana_Report) July 11, 2026