Daja: Ne jemi përgatitur dhe nuk kemi çfarë të humbim
Dinamo Zagreb dhe Ballkani do të përballen nesër nga ora 21:00, në stadiumin “Maksimir”.
Para, ndeshjes trajneri i skuadrës nga Suareka, Ilir Daja ka theksuar se skuadra e tij kërkon vetëm fitoren.
“Kemi një ndeshje të vështirë, sepse kemi përballë një kundërshtar që ka shumë përvojë dhe është tepër i fortë, pavarësisht se ndeshjen e parë e kemi fituar në Prishtinë. Kështu që në Zagreb na pret një ndeshje shumë e fortë. Pavarësisht kësaj, ne jemi përgatitur dhe nuk kemi çfarë të humbim, pra do të luajmë ‘gjithçka për gjithçka’. Sigurisht që kemi bërë një rrugëtim për të dytin vit në këtë garë që është historike për Kosovën dhe kur luajmë në këto nivele gjithmonë kemi përballë ekipe shumë më të mira se ne në çdo aspekt. Edhe kur luan për barazim është shumë vështirë, lëre më për fitore. Por, ne do të përdorim të gjitha forcat tona për të bërë një paraqitje të mirë në Zagreb dhe për të fituar”, tha Daja në konferencën për media.
Dëshiron ta dëgjosh këtë lajm me zë?