Bosnja dhe Hercegovina goditet nga një tërmet i fuqishëm

Një person është lënduar si pasojë e rënies së gurëve në autostradën M17 afër Zenicës, e cila mund të lidhet me tërmetin, epiqendra e të cilit ishte në pjesën qendrore të Bosnje dhe Hercegovinës, tha drejtori i Administratës Kantonale të Mbrojtjes Civile të Zenicës.

Bosnja dhe Hercegovina të shtunën është goditur nga një tërmet i fuqishëm me magnitudë 4.7 ballë.

#Earthquake (#zemljotres) possibly felt 16 sec ago in #Bosnia&Herzegovina. Felt it? Tell us via:
📱https://t.co/IbUfG7TFOL
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/NiBF1ij7vH

— EMSC (@LastQuake) December 30, 2023

Ekipet janë në terren dhe po punohet për heqjen e gurëve nga autostrada M-17.

Policia ka njoftuar se ka marrë informacione se ka dëmtime në fasadat e objekteve në qytetin e Zenicës, si dhe në një shtëpi në fshatin Zenicë të Lubetovës.

Sipas të dhënave të Qendrës për Sizmologji të Institutit Federal Hidrometeorologjik të Bosnjë-Hercegovinës, tërmeti në hipoqendër ka qenë 4.7 ballë, ndërsa intensiteti në epiqendër ka qenë VI gradë i shkallës Mercalli.

Tërmeti është ndjerë në zonën më të gjerë të Bosnjës dhe Hercegovinës qendrore.

Sipas EMSC, epiqendra e tërmetit ishte 13 kilometra në veri të Zenicës, në qendër të BiH, në një thellësi prej 9 kilometrash./21Media