Arrestohet një person i dyshuar për vjedhje në Fushë-Kosovë
Njësiti i hetimeve të stacionit të Fushë-Kosovës ka arrestuar sot E.H. (21) i dyshuar për vjedhje të rënda.
Rastet kanë ndodhur kryesisht në rajonin e Fushë Kosovës, ku është raportuar se prej tetë automjeteve të ndryshme, janë vjedhur mjete pune e gjësende të tjera, raporton KosovaPress.
Policia ka kryer një bastisje në vendbanimin e E.H., ku janë gjetur dhe sekuestruar mjete pune e gjësende të vjedhura, të cilat u janë kthyer pronarëve.
Personi i dyshuar, shtetas i Kosovës, është dërguar në mbajtje për 48 orë. Hetuesit po kryejnë veprimet e nevojshme procedurale lidhur me rastet.
Lexim me zë
Dëshiron ta dëgjosh këtë lajm me zë?