Arrestohet një 23 vjeçar në Mitrovicë, policia i gjeti substancë narkotike
Është arrestuar dje në Mitrovicën e Jugut një person i dyshuar për veprën penale “Posedim i paautorizuar i substancave narkotike”.
“Në orët e mbrëmjes së datës 21 nëntor 2021, policia në Mitrovicën e Jugut, ka arrestuar një person të dyshuar për substancë të dyshuar narkotike. Arrestimi i të dyshuarit, është realizuar në kohën kur një njësi policore ka ndaluar një automjet me targa vendore, me ç’rast pas kontrollit të detajuar te personi i personi i dyshuar është gjetur dhe sekuestruar substancë e dyshuar narkotike ne sasi prej 1.5 gr”, ka njoftuar Policia e Kosovës.
Në cilësi të të dyshuarit është arrestuar D. I.,23 vjeçar, i cili pas procedurave intervistuese është liruar në procedurë të rregullt. “Hetimet e mëtejme lidhur me rastin do t’i zhvilloj njësia përkatëse hetimore”, thuhet në njoftimin e Policisë.
Ndaj të dyshuarit është iniciuar rast për vepër penale “Posedimi i paautorizuari i substancave narkotike”./21Media
Dëshiron ta dëgjosh këtë lajm me zë?