Aksident në Strellc, lëndohen pesë persona
Pesë persona kanë mbetur të lënduar si pasojë e një aksidenti në fshatin Strellc të Deçanit që ndodhi mes dy automjeteve dhe një kamioni.
Zëdhënësi i Policisë për rajonin e Pejës, Fadil Gashi ka njoftuar se personat e lënduar kanë kërkuar ndihmë mjekësore në Spitalin e Pejës.
“Rreth ores 18:19, Policia është njoftuar se në fshatin Strellc ka ndodhur një aksident ku janë përfshirë dy automjete dhe një kamioni. 5 persona kanë kërkuar ndihmë mjekësore në Spitalin e Pejës. Në vendin e ngjarjes kanë dalë njësitet kompetente dhe po merren me rastin”, njoftoi Fadil Gashi.
Lexim me zë
Dëshiron ta dëgjosh këtë lajm me zë?