AKP së bashku me Policinë aksion në veri, largohet inventari i Postës së Serbisë

Agjencia Kosovare e Privatizimit është duke realizuar një aksion së bashku me Policinë e Kosovës, në rrugën “Kralja Petra” në veri të Mitrovicës.

Këtë rast për portalin e ka konfirmuar zëvendësdrejtori i Policisë së Kosovës për veriun, Veton Elshani.

Nga dega e mbyllur e Postës së Serbisë, e cila gjendet në objektin e diamantit të kuq në pjesën veriore të Mitrovicës, zyrtarët e Agjencisë Kosovare të Privatizimit kanë nxjerrë paraditen e sotme inventarin e mbetur.