Lajçak vazhdon takimet me përfaqësues të shteteve që s’e njohin Kosovën
I dërguari i Bashkimit Evropian për dialogun Kosovë-Serbi, Miroslav Lajçak, ka vazhduar takimet me përfaqësues të shteteve që nuk e njohin Kosovën.
Mbrëmë ( 24 janar) në Twitter ka njoftuar se është takuar me të dërguarën e Greqisë për Ballkanin Perëndimor, Sofia Grammata.
Lajçak ka shkruar se me Grammatan ka diskutuar rreth përpjekjeve të Bashkimit Evropian për normalizimin e marrëdhënieve ndërmjet Kosovës dhe Serbisë.
“Me të dërguarën e Greqisë për Ballkanin Perëndimor, sot diskutova për përpjekjet e BE-së mbi avancimin e normalizimit të marrëdhënieve ndërmjet Kosovës dhe Serbisë si dhe rolin e rëndësishëm të Greqisë në regjion”, ka shkruar Lajçak.
Një ditë më parë, Lajçak është takuar me zyrtarë të lartë të Spanjës, Sllovakisë dhe Qipros.
Këto takime të Lajçak pas takimeve të fundit të zyrtarëve të lartë perëndimor me kryeministrin Albin Kurti në Prishtinë dhe presidentin serb, Aleksandar Vuçiq në Beograd./21Media
With 🇬🇷 envoy for the Western Balkans, I spoke about our 🇪🇺 efforts on advancing normalisation of relations between Kosovo and Serbia and the important role of Greece in the region. pic.twitter.com/bL0yNROMH5
— Miroslav Lajčák (@MiroslavLajcak) January 24, 2023
Dëshiron ta dëgjosh këtë lajm me zë?