Shtegu Lëpushë-Theth, mrekulli mes maleve shqiptare
Shtegu Lëpushë-Theth, i cilësuar si magjia e alpeve shqiptare është kthyer në një ndër destinacionet më të preferuara të turistëve. Ministrja e Turizmit dhe Mjedisit në Shqipëri, Mirela Kumbaro ndau sot pamje nga kalimi i turistëve në këtë shteg, që janë të pasionuar pas alpinizimit.
Ajo shprehet se ecja në shtigjet e shënjuara brenda zonave të mbrojtura është bërë prej sporteve më të dashura të natyrës dhe po aq promovuese të këtyre territoreve.
Turizmi Malor është një alternativë e shkëlqyer për të pasionuarit pas alpinizimit.
“Pamjet që vijnë prej kalimit Lëpushë-Theth nga Qafa e Pejës, ku ecja në shtigjet e shënjuara brenda zonave të mbrojtura është bërë prej sporteve më të dashura të natyrës dhe po aq promovuese të këtyre territoreve”, ka shkruar Kumbaro në Facebook.
Dëshiron ta dëgjosh këtë lajm me zë?