Reagojnë “Skifterat” e Gjilanit pas sulmit ndaj Stivi Frashërit
Tifozët e Gjilanit, ”Skifterat” janë distancuar publikisht nga sulmi ndaj portierit Stivi Frashëri.
Kështu kanë bërë të ditur përmes një komunikate, ku thuhet se e kanë vizituar në spital portierin e Ballkani dhe i kanë shprehur keqardhje për atë që ka ndodhur në fushë sot.
Komunikata për media e lëshuar nga grupi i tifozëve ”Skifterat”:
Kryesia e Skifterave ka vizituar në ambientet spitalore Stivi Frashërin për të parë nga afër gjendjen e tij shëndetsore dhe për të shprehur keqardhje për ndodhinë!
Gjatë pjesës së dytë individ nga tribuna vendase janë ofenduar anasjelltas me portjerin musafir dhe në momentin e golit nga euforia e futjes në fushë, një person ka shtyrë Frashërin dhe një tjetër e ka shkelmuar, ndërkaq kanë qenë kryesia e Skifterave të cilët i janë hudhur sipër për ta mbrojtur!
Distancohemi publikisht nga ky akt i shëmtuar, nuk është në traditën tonë sulmi ndaj lojtarëve të futbollit, përtej kësaj kundrejt një ekipi si Ballkani dhe tifozëve e qytetarëve të Suharekës që gjithmonë na kanë bërë të ndihemi si në shtëpinë tonë!
Kushdo me qëllim njollosjen e vlerave tona sportive dhe tifozerike duhet të përgjigjet për veprimet e veta!
Kryesia e Skifterave e indinjuar thellësisht nga ngjarja deklarohet për DORËHEQJE të PAREVOKUESHME si bartës të organizimit dhe paraqitjeve të grupit!/21Media
Dëshiron ta dëgjosh këtë lajm me zë?