Bruksel: Kosova dhe Serbia arrijnë marrëveshje për targat
Njësitet Speciale të Policisë largohen më 2 tetor nga veriu i vendit
Emisari i Bashkimit Evropian për dialogun Kosovë-Serbi, Mirosllav Llajçak, bëri të ditur marrëveshjen që arritën Kosova dhe Serbia për zgjidhjen e krizës së shkaktuar së fundmi në pikëkalimet kufitare në Jarinjë dhe në Bërnjak. Lajçak tha se pas dy ditë negociatash, është arritur marrëveshja që e shtension situatën në veri të Kosovës. Sipas marrëveshjes të arritur sot me ndërmjetësimin e BE-së në Bruksel, forcat e njësisë speciale të Policisë së Kosovës të vendosura në Jarinjë e Bërnjak do të largohen më 2 tetor, derisa atje për 2 javë do të vendoset KFOR-i për të mbajtur ambient të sigurt dhe lëvizje të lirë./21Media
Lexim me zë
Dëshiron ta dëgjosh këtë lajm me zë?