Ministrja e Jashtme e Xhamajkës: Nuk e kemi njohur Kosovën

Reagoi ministrja e Jashtme

Ministrja e Jashtme e Xhamajkës, Kamina Smith reagoi mëngjesin e sotëm në Twitter duke thënë se vendi i saj nuk e ka njohur Kosovën.

“Deri më sot, Xhamajka nuk e ka njohur Kosovën si shtet të pavarur”, shkroi ajo duke iu përgjigjur presidentit Hashim Thaçi.

Lajmi për njohjen e Xhamajkës është bërë i ditur mbrëmë, ndërsa kreu i shtetit i dha meritat ambasadores Vlora Çitaku dhe senatorit amerikan Eliot Engel.

Njohja është përshëndetur nga të gjithë krerët institucionalë si dhe ministri në detyrë për Evropën.

To date, Jamaica has not recognized Kosovo as an independent state. https://t.co/HLNtJaOWLh

— Hon. Kamina J Smith (@kaminajsmith) February 21, 2020