Të aksidentuarit në Vragoli janë në gjendje stabile
Personat e lënduar në aksidentin që ndodhi sot në rrugën Prishtinë-Pejë janë dërguar për trajtim mjekësor në QKUK.
Shefi i Emergjencës, Naser Syla, për portalin rtv21.tv tha se ata janë në gjendje stabile.
“Janë duke u realizuar ekzaminimet e nevojshme në Qendrën Emergjente”, tha ai.
Dyshohet se drejtuesi i një automjeti transportues (kamion) me targa vendore ka humbur drejtimin e mjetit, ka kaluar në anën e kundërt të rrugës dhe ka goditur katër automjete të tjera.
Lajmin për portalin rtv21.tv e ka konfirmuar, zëdhënësi i Policisë së Kosovës, Daut Hoxha i cili tha se dy persona kanë mbetur të lënduar rëndë dhe një tjetër ka lëndime të lehta./21Media
Lexim me zë
Dëshiron ta dëgjosh këtë lajm me zë?