Grabitje në një pompë benzine në Gjermani, një polic u qëllua për vdekje

Një oficer policie u qëllua për vdekje në Gjermaninë perëndimore të enjten gjatë një grabitjeje në një pikë karburanti.

Sipas Bild, incidenti ndodhi në Völklingen, pranë kufirit francez.

Dy oficerë policie ndoqën një nga autorët në këmbë pas grabitjes, tha një zëdhënës i policisë në Saarbrücken aty pranë.

Pasi ndodhi një përleshje, burri arriti t’i rrëmbente një armë zjarri njërit prej oficerëve dhe të qëllonte disa herë ndaj oficerëve të policisë.

Autori u godit gjithashtu gjatë shkëmbimit të zjarrit dhe u arrestua.

Një kontingjent i madh policie dhe shërbimesh emergjente u vendos në Völklingen, një qytet me rreth 40,000 banorë në Saarland.

Vendi i krimit u rrethua, oficerë të pajisur me mitralozë patrulluan rrugët dhe ambulanca të shumta ishin në veprim.