Bizneset kërkojnë që brenda 10 ditëve ZRrE-ja ta pezullojë vendimin për daljen në treg të hapur

(Lajm i përditësuar)

Protesta vazhdon, numër i shtuar i pjesëtarëve policor brenda hapësirave të ZRR-së

Përfaqësues të bizneseve kanë marshuar drejt zyreve të ZRRE-së gjatë protestës kundër vendimit të Zyrës së Rregullatorit për Energji.

Brenda hapësirave të ZRRE-së është par numër i shtuar i pjesëtarëve policor.

---

Bizneset kërkojnë që brenda 10 ditëve ZRrE-ja ta pezullojë vendimin për daljen në treg të hapur

Në protestën e sotme Kryetari i Odës Ekonomike të Kosovës, Lulzim Rafuna, ka thënë se asnjë biznes nuk është kundër tregut të lirë, por kërkojnë fazë tranzicioni.

“E kemi një kërkesë të vetme, na jepni një fazë të tranzicionit, përgatitenit tregun e më pas edhe një paketë që e kanë pasë të gjitha vendet e Evropës por edhe më gjerë që i kanë ndihmu biznesit mos me vërejt asnjë efekt negativ, mos me ndiku në ulje ose në mbyllje te biznesit”, tha ai.

---

“Mos na ndalni prodhimin”, “Liberalizimi i shpejtë i rrymës – monopol, jo konkurrencë”

Në Prishtinë është duke u mbajtur protesta nga përfaqësues të bizneseve, kundër vendimit të Zyrës së Rregullatorit për Energji.

“Mos na ndalni prodhimin”, “Liberalizimi i shpejtë i rrymës – monopol, jo konkurrencë”, “Pa transparencë – nuk ka treg të lirë” – këto janë disa nga pankartat e protestuesve.

Vendimi i Zyrës së Rregullatorit për Energji (ZRRE), për liberalizimin e tregut të energjisë, ka hyrë në fuqi më 1 qershor.

---

Bizneset mblidhen për protestën në Prishtinë

Përfaqësues të bizneseve kanë filluar të mblidhen për protestën e orës 11:00.

Bizneset kanë paralajmëruar protestë masive derisa kanë kërkuar shtyrje të vendimit për daljen në tregun e lirë energjetik.

Në këtë protestë do të marrin pjesë përfaqësues të bizneseve dhe punëtorët e tyre, të cilët do të kërkojnë nga institucionet përgjegjëse të Republikës së Kosovës, të reflektojnë mbi kërkesat e komunitetit të biznesit për një fazë tranzicioni në procesin e daljes në tregun e lirë të energjisë.

Muajin e kaluar përfaqësues të bizneseve bllokuan hyrjet e kryeqytetit, kundër vendimit të Zyrës së Rregullatorit për Energji për “daljen e detyrueshme” të ndërmarrjeve në tregun e lirë të energjisë.