Kryeministri holandez jep dorëheqje
Kryeministri i Holandës, Dick Schoof, ka dhënë dorëheqje të martën, disa orë pasi lideri i ekstremit të djathtë, Geert Wilders, vendosi ta braktisë koalicionin qeverisës, raporton The Guardian.
Më herët gjatë ditës, Wildersi ka thënë se partia e tij PVV do të largohet nga koalicioni, duke rrëzuar qeverinë aktuale në kërkim të zgjedhjeve të reja.
Sipas tij, partnerët e koalicionit s’ishin të gatshëm të pranonin idetë për të ndryshuar politikat e migrimit dhe azilit, për të cilën kishte kërkuar mbështetje javën e kaluar.
“Asnjë nënshkrim për planet tona të azilit. PVV largohet nga koalicioni”, kishte shkruar ai në rrjetin social X.
Lexim me zë
Dëshiron ta dëgjosh këtë lajm me zë?