Haradinaj për LVV-në: Janë mashtrues, ua kom heq maskën

Kandidati i AAK’së për kryeministër, Ramush Haradinaj në Istog  u kërkoi qytetarëve që ta mbështesin koalicionin, me qëllimin për ta larguar nga pushteti Lëvizjen Vetëvendosje.

Dyfishim të pagave e siguri energjetike u ka premtuar qytetarëve të Istogut, Ramush Haradinaj, kandidat për kryeministër i koalicionit mes Aleancës për Ardhmërinë e Kosovës, Nismës Socialdemokrate, Forumit të Intelektualëve, Konservatorëve dhe iniciativës Ideali.

Në tubimin elektoral Haradinaj u mor edhe me kundërkandidatin e tij nga Lëvizja Vetëvendosje, kryeministrin Albin Kurti.

Haradinaj tha se Kurti i ka mashtruar qytetarët.

“Janë mashtrues. Ja kom hjek maskën edhe qeben. Kah jam sill më kanë thënë edhe ti i ki faj se ja mushe sheshet por s’jam pishman se kam besu, por në kurriz tonë me na nda prej Amerikës”, tha Haradinaj.