Kurti: Kosova krenare me Distrinë e madhe
Kosova fitoi sot medaljen e parë në Lojërat Olimpike Paris 2024. Distria Krasniqi fitoi të argjendtën në kategorinë deri në 52 kilogramë.
Kryeministri Albin Kurti ka uruar xhudisten kosovare për suksesin e madh.
“Jemi krenarë me këtë rezultat që lartëson vendin tonë në sportin elitar botëror dhe e konfirmon që Kosova mbetet shtet i xhudos. Të faleminderit Distria për gëzimin dhe shembullin që na jep”, ka shkruar ai në Facebook.
Distria sot gjatë ditës fitoi tri ndeshje – të parën për 39 sekonda, të dytën 66 sekonda dhe të tretën 6 minuta e 10 sekonda, 2:10 sekonda në vazhdimin Golden Score.
Kjo është medalja e dytë olimpike për Distrinë (28), pasi ajo u stolis me të artën në Lojërat Olimpike Tokio 2020.
Lexim me zë
Dëshiron ta dëgjosh këtë lajm me zë?