​ZRrE tregon se a po nënshkruhen kontratat nga qytetarët në veri për rrymë

Kryesuesi i Bordit të Zyrës së Rregullatorit të Energjisë (ZRrE), Ymer Fejzullahu, ka deklaruar se një pjesë e madhe e konsumatorëve në veri të vendit kanë filluar të nënshkruajnë kontratat për rrymën e shpenzuar me kompaninë “Elektroseverin”, megjithëse sipas tij, trendi nuk është me pritjet e këtij institucioni. Fejzulalhu thekson se një numër i madh i konsumatorëve ende janë duke rezistuar të mos nënshkruajnë kontrata, porse, shpreson se deri në fund të vitit të njëjtit të bëjnë nënshkrimin e kontratave.

Duke folur për tarifat e energjisë në veri, dhe nëse po paguajnë qytetarët në atë pjesë energjinë elektrike, ai tha se “Elektrosever” është duke kryer detyrimet në raport me KEDS-in apo duke paguar tarifat e vendosura nga ana e ZRrE-së.

Kryesuesi i Bordit të ZRrE-së, shton se 100 për qind e energjisë elektrike atje vazhdon të merret nga Serbia.

Kështu ka deklaruar, Fejzullahu pas mbledhjes së Bordit të ZRrE-së, në të cilën është miratuar kërkesa për Listën e Tarifave ALPEX sh.a për zonën e ofertimit të Republikës së Kosovës, si Operator i Emëruar i Tregut të Energjisë Elektrike (NEMO) që ndërlidhen me Tregun Ndërditorë.

Për këtë, eksperti për tarifa dhe çështje rregullative, Muharrem Gashi ka adresuar dy kërkesa të ALPEX.