Osmani e takon në Zvicër këshilltarin kryesor të Biden, flasin për rritjen e bashkëpunimit
Presidentja e Kosovës Vjosa Osmani ka zhvilluar një “takim të rëndësishëm” në Zvicër Jake Sullivan, Këshilltarin për Siguri Kombëtare të Presidentit Joe Biden.
“Një takim i rëndësishëm me Këshilltarin për Siguri Kombëtare të Presidentit Biden, z. Jake Sullivan, dhe Ambasadorin Michael Carpenter- Drejtor i Lartë për Evropë në Këshillin për Siguri të Shtëpisë së Bardhë, mbi rolin jetik të Shteteve të Bashkuara për paqe dhe siguri të qëndrueshme si dhe për rëndësinë e rritjes së bashkëpunimit tonë” shkroi Osmani në Facebook ku ka publikuar edhe disa fotografi nga takimi.
Në Zvicër, Osmani shkoi për të marrë pjesë në një samit paqeje për Ukrainën.
Lexim me zë
Dëshiron ta dëgjosh këtë lajm me zë?