Detaje nga plagosja në Pejë, tre të plagosurit janë familjarë mes vete
(Lajm i përditësuar)
Detaje nga plagosja në Pejë, tre të plagosurit janë familjarë mes vete
Prokuroria Themelore e Pejës ka njoftuar se personat që u plagosën sonte në Pejë janë familjarë të afërt mes vete. Personi i dyshuar për këtë ngjarje “ndodhet në kërkim intensiv”.
Tre të plagosur në Pejë
Tre persona janë plagosur në rrethana ende të pasqaruara mirë në Pejë.
Zëdhënësi i policisë rajonale për Pejë, Fadil Gashi, ka thënë se rasti ka ndodhur në rrugën “Bekim Berisha”.
“Rreth orës 21:25 në rrugën “Bekim Berisha” në Pejë ka pasur të shtëna me armë zjarri. Tre persona janë lënduar nga arma e zjarrit dhe janë dërguar në Emergjencën e Spitalit në Pejë për trajtim mjekësor”, ka thënë ai.
Në vendin e ngjarjes kanë dalë të gjitha njësitë përkatëse policore për hetimin e rastit.
Dëshiron ta dëgjosh këtë lajm me zë?