Konjufca uron besimtarët myslimanë për Ramazan: Ky muaj çon drejt realizimit shpirtëror
Kryetari i Kuvendit të Kosovës, Glauk Konjufca ka uruar sot të gjithë besimtarët mysliman për fillimin e muajit të shenjtë të Ramazanit.
Ai në një postim në Facebook ka theksuar se muaji i Ramazanit sjell sprovën përballë së cilës disiplina dhe virtyti çojnë drejt realizimit shpirtëror.
“Të gjithë besimtarëve myslimanë, urime dhe me fat muajin e Ramazanit! Duke bartur frymën e sakrificës dhe solidaritetit ndaj tjetrit në nevojë, muaji i Ramazanit sjell sprovën përballë së cilës disiplina dhe virtyti çojnë drejt realizimit shpirtëror. Si muaj i sakrificës dhe përkushtimit, ai sjell mesazhin për atë që është më e lartë se ne, dhe se përlartësimi vjen nga një përulësi e thellë e shpirtit ndaj Zotit që tejkalon shtrëngesat e rrethanës. Agjërim të lehtë për të gjithë besimtarët”, ka shkruar Konjufca.
Dëshiron ta dëgjosh këtë lajm me zë?