Bislimi i kundërpërgjigjet Stanos: S’ka zgjedhje serbe në Kosovë, Stano besoj se e di këtë
Zëvendëskryeministri i Kosovës, Besnik Bislimi, i është kundërpërgjigjur zëdhënësit të BE-së, Peter Stano, që kritikoi moslejimin e mbajtjes së zgjedhjeve të Serbisë në territorin e Kosovës.
Bislimi në platformën “X” ka thënë se tentimi për të organizuar zgjedhje të një shteti tjetër në Kosovë pa një kërkesë paraprak, nuk është në frymë të dialogut.
Bislimi ka thënë se përderisa nuk ka kërkesë zyrtare direkte nga Serbia, atëherë s’mund të ketë vendim.
“Nuk janë planifikuar zgjedhje këtë vit në shtetin tonë. Nëse autoritetet e shteteve tjera preferojnë të organizojnë zgjedhje në Kosovë për diasporën e tyre, atëherë duhet që zyrtarisht t’i kërkojnë autoriteteve tona një vendim pozitiv dhe përkrahje. Tentimi për të organizuar zgjedhje pa një kërkesë paraprake apo vendim pozitiv, nuk është në frymën e dialogut dhe nuk i kontribuojnë ndërtimi të besimit. Përderisa nuk ka një kërkesë zyrtare direkte, atëherë nuk mund të ketë vendim. Z. Stano besoj se e di këtë”, ka shkruar Bislimi në platformën “X”./21Media
Dëshiron ta dëgjosh këtë lajm me zë?