Hezbollahu paralajmëron për luftë rajonale nëse bombardimet në Gaza vazhdojnë

I dyti në komandën e Hezbollahut – milicia e fuqishme e mbështetur nga Irani në Liban  ka thënë se vrasja e civilëve nga Izraeli në Gaza rrezikon një luftë më të gjerë në Lindjen e Mesme.

Sheikh Naim Qassem i tha BBC-së se “zhvillime shumë serioze dhe shumë të rrezikshme mund të ndodhin në rajon dhe askush nuk do të jetë në gjendje t’i ndalojë pasojat”.

Nënkryetari i Hezbollahut po fliste në një intervistë në Bejrut, ndërsa ministria e shëndetësisë e drejtuar nga Hamas në Gaza tha se më shumë se 10,000 njerëz ishin vrarë atje.

Sulmi i Izraelit pason sulmet e Hamasit më 7 tetor, të cilat vranë 1,400 njerëz – 1,000 prej tyre civilë.