Krasniqi kujton momentin kur Berisha rrëfeu për herë të parë publikisht për sëmundjen
June 23, 2022Përditesimi i fundit: June 23, 2022
Moderatori i RTV21 Abaz Krasniqi është shprehur i pikëlluar për vdekjen e producentës, Vjosa Berishës që vdiq sot në moshën 50 vjeçare.
Krasniqi në rrjetet sociale ka publikuar një fotografi, e cila është realizuar në ditën kur Vjosa për herë të parë publikisht kishe folur për kancerin me të cilin po luftonte.
Intervista e Vjosës e dhënë në programin “21 Gradë” në RTV21 në muajin korrik të vitit të kaluar, sipas Krasniqit ishe bërë motiv për shumë njerëz të cilët po luftojnë me kancerin që të mos i dorëzohen sëmundjes.
“Paska vdek sot producentja Vjosa Berisha! Ngushëllime familjes e miqve të saj të shumtë. Kjo fotografi është shkrepë në emisionin ku ajo vendosi të flas për herë të parë për kancerin me të cilin ajo po luftonte. Ajo në këtë intervistë u bë motiv për shumë njerëz të cilët po luftojnë me kancerin që të mos i dorëzohen sëmundjes. Pas këtij emisioni ajo pavarësisht se me çka u ballafaqua e organizoi festivalin “PriFest – Prishtina International Film Festival në mënyrën më të mirë të mundshme. Që nga ateherë ajo nuk u ndal, kishte bërë gati gjithçka edhe për edicionin e këtij vitit të festivalit që pritet të organizohet në muajin gusht. Lamtumirë Vjosa”, ka shkruar Krasniqi.
Lajmi për vdekjen e Vjosa Berishës e bëri të ditur bashkëshorti i saj, regjisori Fatos Berisha.
Më poshtë i gjeni videot ku Vjosa foli për sëmundjen e saj. /21Media
